出走台灣 2019 Day 5

Day 5 行程：
貔貅展示館、忠烈祠、西門町、台北 ✈ 香港

Day 5 影片：https://bit.ly/2NcITdX

最後一日嘅早餐除咗兩老之外，其餘四個都出去搵嘢食，話哂都嚟到台灣，而且又係最後一日，梗係要試吓當地嘅平民早餐啦！喺酒店附近有間係食蛋餅嘅！入面有個內舖，出面有個檔口仔煎蛋餅同做外賣生意，我哋試咗肉排蛋、火煺起司蛋、黑胡椒牛排同原味，喺我哋食梗嘅途中都見到好多本地人幫襯，但味道其實都係一般般，亦可能因為台灣人口味偏啖，又或者根本只係我哋香港人食慣濃味，所以五日裡面食任何嘢都覺得比較啖口味。

食完早餐又再出發去第一個景點貔貅展示館，都係聽吓人吹吓水同買吓貔貅掛飾之類啦！

第二景點就去台北忠烈祠，國民革命忠烈祠係位於台北市大直嘅忠烈祠，為中華民國政府中央政府所在地嘅專祠，兼有首都忠烈祠嘅功能，建築型式仿北京故宮太和殿，由先總統蔣中正親題為國民革命忠烈祠，民間稱圓山忠烈祠、大直忠烈祠或台北忠烈祠，其實主要都係嚟睇衛兵交接 Show，交接 Show 係每一個正鐘一次，所以要好好留意時間。

睇完交接就先去食午飯，午飯係食台式牛肉麵，係個團包嘅！所以只係普普通通。

出發最後一個景點西門町，到咗西門町梗係第一時間去食程味珍啦！除非唔落西門町，落得去一定要去，詳情可以到另一文章：https://bit.ly/37QEUeO 介紹，當然仲要飲埋苦瓜汁、食埋阿宗麵線同埋鹽水雞先叫完美啦！

食飽飽後就出發去機場，台北 ✈ 香港。