懷石料理 さおとめ

懷石料理一向都係出哂名食材都好精緻，今次慶幸有機會試吓！位於灣仔哩間餐廳主打高級懷石料理，所有食材由大廚 Hiroyuki Saotome 負責發辦，炮製各式精緻料理，例如黑松露海膽飯同炭烤鹿兒島和牛等等，並連續十年榮獲米芝蓮一星餐廳獎項殊榮。

影片：https://bit.ly/2R4gfO9

佢哋坐位唔多，只有兩個位置，第一個位置就係喺入門口玄關後，坐位大概可以坐六個客人，哩個位置主要係食 Omakase 即係廚師發辦嘅意思。

另外一個位置係需要落樓梯下面嘅一個地方，哩個位置大概可以坐十二個客人，適合客人食公司飯或者一班朋友聚會。

各款料理都非常精緻，而且每一款料理食材上到每位客人面前後都會續一去介紹，所有食材非常新鮮，據講所有食材都係每日下午四點才到店舖，絕對保証日日新鮮，差唔多到最後嘅黑松露海膽飯更加由總廚親自為每位客人加上黑松露，哩次真係一個好好嘅體驗。

Kaiseki Den by Saotome

純屬個人評分，以10粒星星滿分。
環境：⭐️⭐️⭐️⭐️⭐️⭐️⭐️
味道：⭐️⭐️⭐️⭐️⭐️⭐️⭐️
服務：⭐️⭐️⭐️⭐️⭐️⭐️⭐️
清潔：⭐️⭐️⭐️⭐️⭐️⭐️⭐️