出走台灣 2019 Day 2

Day 2 行程：
珍珠養殖中心、鹿港老街、桂花藝術村、高美濕地、逢甲夜市、返酒店、忠孝路觀光夜市

住宿：

香富大飯店台中館
地址： 401台灣台中市東區建成路700號
電話： +886 4 2280 8007

Day 2 影片：https://bit.ly/2FANEd7

第二日喺酒店食完早餐準時九點出發，第一個景點係珍珠養殖中心，冇乜特別咪就係類似日本田崎真珠，跟得團就預咗有哩啲環節。

好快就去到第二個景點鹿港老街兼食埋午飯，午飯係食地道台菜，都係好又一餐唔好又一餐啦！食完飯就行吓條老街，老街兩旁主要係賣啲小食同雜貨為主。

第三個景點係位於彰化鹿港嘅桂花藝術村，藝術氣氛有啲似日式宿舍群，喺昭和年間興建嘅日式宿舍群，由閒置荒廢搖身一變，成為工藝家、書法名家嘅展覽場地同工作坊。

第四個景點係有台版天空之鏡之稱嘅高美濕地，高美濕地約有 1,500 公頃嘅濕地面積，擁有豐富多樣化嘅濕地生態，曾在高美濕地棲息嘅鳥類已有一百多種，係台灣非常重要嘅生態保育區之一。

又到夜晚喇！今晚又係去夜市，今晚嘅夜市係逢甲夜市，其實每個夜市都係大同小異，見嚟見去都係食類似嘅嘢！所以都喺度講太多，如有興趣可以去睇睇片。